Tímarit um raunvísindi og stærðfræði

Birgir Urbancic Ásgeirsson og Páll Jakobsson

Móttekin: 6. september 2010 - Vefútgáfa: 30. nóvember 2010

Ágrip

Sólskjálftar stafa af bylgjuhreyfingum í sólinni. Bylgjurnar sem birtast sem sveiflur á yfirborði sólarinnar samanstanda af mörgum eiginsveifluháttum með mismunandi tíðnir. Með mælingum á yfirborðinu hafa sveiflurnar verið greindar með hjálp Fourier ummyndunar. Slíkar rannsóknir veita innsýn í innri gerð sólarinnar. Hér verður greint frá því sólarlíkani sem viðtekið er í dag, stiklað á stóru um eiginleika sólskjálfta og hvernig mælingar á þeim fara fram. Einnig verða niðurstöður úr sólskjálftarannsóknum bornar saman við sólarlíkön. Að lokum verður stuttlega fjallað um skjálfta í öðrum sólstjörnum.

sækja grein (pdf) [raust.is/2010/1/07/]