Tímarit um raunvísindi og stærðfræði

Þröstur Þorsteinsson

Móttekin: 16. apríl 2007 - Vefútgáfa: 17. nóvember 2008

Ágrip

Fimm aðferðir til að auðkenna stefnuhneigð íss eru leiddar út fyrir keiluhornsdreifingu c-ása og bornar saman. Þegar dreifingin er ekki fullkomin keiluhornsdreifing, eins og ávallt er þegar um endanlegan fjölda kristalla er að ræða, gefa þessar aðferðir mismunandi gildi á keiluhorni fyrir sömu dreifingu c-ása. Til að meta hversu vel eða illa hver einstök aðferð hentar til útreikninga á flæði jökla er aflögunarhraði reiknaður út frá dreifingu stakra kristalla og borinn saman við hraða, sem reiknuð keiluhorn hverrar aðferðar gefa. Engin þessara aðferða hentar sérlega vel til reikninga á aflögunarhraða í samþjöppun þar sem dreifingin er langt frá því að vera keiluhornsdreifing. Hinsvegar hentar aðferðin, sem byggir á mældum hljóðhraða, ágætlega þegar um skeraflögun er að ræða.

sækja grein (pdf) [raust.is/2008/1/03/]