Tímarit um raunvísindi og stærðfræði

Jón Tómas Guðmundsson

Móttekin: 15. desember 2006 - Vefútgáfa: 20. desember 2006

Ágrip

Hér er fjallað um Langmuirnema og beitingu þeirra til að mæla kennistærðir rafgass: rafeindaþéttleika, rafgasmætti, flotmætti og orkudreififall rafeinda. Kynntar eru þær kennilengdir rafgassins sem taka verður tillit til við hönnun og smíði nema. Fjallað er um mælingu á straum-spennu kennilínu og kynnt aðferð Druyvesteyn til að ákvarða orkudreififall rafeinda í rafgasi. Þegar orkudreififallið hefur verið fundið má nota það til að ákvarða rafeindaþéttleika og meðalorku rafeinda í rafgasinu. Einnig er sýnt hvernig rafeindahitastig og rafeindaþéttleiki eru ákvarðaðir í rafgasi þar sem gera má ráð fyrir því að orka rafeindanna sé Maxwell dreifð. Sívölum Langmuirnema er síðan beitt á argon rafgas í flatri spanafhleðslu og dc segulspætu og með aðferð Druyvesteyn er orkudreififall rafeinda fundið og kennistærðir rafgassins ákvarðaðar.

sækja grein (pdf) [raust.is/2007/1/07/]