Tímarit um raunvísindi og stærðfræði

Kristján Rúnar Kristjánsson og Lárus Thorlacius

Móttekin: 8. september 2004 - Vefútgáfa: 13. desember 2004

Ágrip

Í þessari grein er fjallað um tvívítt sviðslíkan sem kemur við sögu í strengjafræði og lýsir einnig ýmsum öðrum eðlisfræðikerfum, svo sem skammtafræði með núningi, samskeytum skammtavíra og skömmtuðum Hallhrifum. Líkanið inniheldur skalarsvið sem er skilgreint á tvívíðum fleti með jaðri. Sviðið víxlverkar við lotubundið mætti á jaðrinum en er frjálst að öðru leyti. Fyrir krítískt gildi á lotunni hefur líkanið hornrækna samhverfu og lýsir víxlverkun opinna strengja við lotubundinn bakgrunn hraðeinda. Líkanið tengist einnig hrörnun óstöðugs D-flatar í strengjafræði. Með því að notfæra sér SU(2) samhverfu sem fólgin er í líkaninu má reikna ýmsar lykilstærðir án nálgana, þar á meðal litróf Hamiltonvirkjans. Eigingildin skipa sér í borða líkt og í þéttefnisfræði en borðaskipanin er óhefðbundin. Einnig má nota SU(2) samhverfuna til að reikna fylgniföll ákveðinna virkja í líkaninu.

sækja grein (pdf) [raust.is/2004/2/13/]